बेंगळुरू : जग्वार लँड रोव्हर इंडियातर्फे बेंगळुरूमधील कन्नीन्घम रोड येथे मार्कलँड यांच्या साथीने नवीन बुटिक शोरूमचे उद्घाटन करण्यात आले. जग्वार लँड रोव्हर इंडिया लिमिटेडचे (जेएलआरआयएल) अध्यक्ष व व्यवस्थापकीय संचालक रोहित सुरी आणि मार्कलँडचे संचालक नवीन फिलिप यांच्या हस्ते या नवीन केंद्राचे उद्घाटन करण्यात आले.
बेंगळुरूमधील मध्यवर्ती ठिकाणी असलेले हे शोरूम ग्राहकांसाठी सोइस्कर ठिकाणी असून, जग्वार व लँड रोव्हरचा पोर्टफोलिओ सादर करते. हे बुटिक शोरूम डिजिटल वैयक्तिक स्टुडिओसह सुसज्जित असून, यामुळे ग्राहकांना चांगला अनुभव मिळत आहे; तसेच या शोरूममध्ये आधुनिक अॅक्सेसरीज व ब्रँडेड सामग्री विक्रीसाठी उपलब्ध आहे.
‘जेएलआरआयएल’ अध्यक्ष व व्यवस्थापकीय संचालक रोहित सुरी म्हणाले, ‘आम्हाला आमच्या प्रमुख बाजारपेठांपैकी एक बेंगळुरूमध्ये बुटिक शोरूम सादर करताना आनंद होत आहे. डिजिटल तंत्रज्ञानांमधील आधुनिकतेने सक्षम असलेले हे नवीन शोरूम आम्हाला दोन आयकॉनिक ब्रॅंड्ससह ग्राहकांचा अनुभव व सहभाग वाढवण्यामध्ये मदत करेल. शोरूम मध्यवर्ती ठिकाणी स्थित आहे आणि बेंगळुरूमधील जग्वार लँड रोव्हरचे अनेक चाहते व ग्राहकांसाठी अगदी जवळ आहे.’